السلام عليكم ورحمة الله ..
مادة تشريح الرأس والعنق : نظري 60% و عملي 40% .
القسم النظري :
يقدم المحاضرات
الأستاذ الدكتور يوسف مخلوف .. و هو أكثر من رائع بالشرح !! و لمدة ثلاث ساعات أسبوعياً ..
المرجع كتاب تشريح الرأس والعنق تأليف الدكتور يوسف .. و هو مبسط و سهل الفهم .. بشرط واحد بس !!!
) أن نقرأ ما يتيسـر للدكتور إلقاءه في المحاضرة .. ولو لم نفهم شيء كبداية .. و من ثم أن نعيد القراءة بالتدريج تنسيقاً مع العملي .. و أيضاً أنبه إلى أهمية الربط العقلي بالمحاضرات النظرية والعملية بين بعضها البعض (
طبعاً المادة بتحكي عن
أعصاب و عظام و عضلات الرأس والعنق .. و حتى الأوردة والشرايين .
يتم التركيز بشكل واضح على كل ما يتعلق
بالفكين العلوي والسفلي ..
هي ملخص سريع للمادة ..
القسم العملي :
ساعتين أسبوعياً .. و سأترك الشرح للأخت بنت القيصر في إحدى مشاركاتها .
اقتباس
بنحكي فيها عن عظام الرأس والعنق وثم العضلات استنادهم وامتدهم ووظيفتهم والعصب يللي بيعصبهم...
وهي المادة بالذات بحاجة لدراسة أثناء السنة لأنه فيها مذاكرات بالعملي والمذاكرات بتجي فجأة (بيخبرونا قبل بأسبوع )
بس كون المادة كثيفة جدا فبتتطلب متابعة درس بدرس مشان ما يتراكموا المعلومات عالمذاكرة....
أهم شي بهالمادة أنه الواحد يكون عنده أطلس...وأنا بفضل الالكتروني لأنه الأطلس الورقي غالي وما رح نستفيد منه إلا فصل واحد فما في داعي نضيع مصاري عالفاضي...
وبما أنه الأطالس المتوفرة معظمها إننجليزية...فمن الضروري أنه الواحد يحفظ المصطلح باللغتين (وهي الشغلة ضرورية بكل المواد مو بس بتشريح الرأس والعنق)...
وضروري كمان تجيبو جمجمة...والأفضل بلاستيك لأنه الحقيقية بتكلف وما مستفاد منها غير فصل
الدراسة أثناء السنة تكون على الأقل عبارة عن استيعاب الطالب الدرس يللي أخده وبالقليل بالعملي..وعن طريق الأطلس
أثناء المحاضرة العملي الدكتور بيعطي أسئلة...هي الأسئلة كتير مهمة لأنها بتجي بالمذاكرة والامتحان...
إذا كنت منقصة شي عن المادة بتمنى تضيفوه...
أحب أن أضيف ملاحظة بسيطة ..
لدي الكثير من المواقع الرائعة .. والتي سأطلعكم عليها أولاً بأول .. لكن شرط أن تستفيدو من هذه المواقع هو علمكم باللغة الانكليزية .
وهذه ضرورة لا يمكن الاستغناء عنها .. سواء بالمراجع أو بالمواقع .
يبقى الموضوع لاستفساراتكم عن المادة .